// this goes in body tag

Monday, May 02, 2005

மாமனிதர் விருது

தமிழ்ம்களின் போராட்ட நியாயப்பாடுகளை உலகெங்கும் ஓங்கி ஒலித்த ஊடகவியலாளர் சிவராமுக்கு விடுதலைப்புலிகளின் தேசியத்தலைவர் பிரபாகரன் மாமனிதர் விருது வழஙஙகி கௌரவித்திருக்கிறார். ஊடகப்பணியிலிருந்து அவர் ஆற்றிய தேசியப்பணிக்கு தமிழ்மக்களின் சார்பில் இந்த விருது வழங்கப்பட்டுள்ளது.

தமிழ்மக்களின் விடிவுக்காக இளம்பராயத்திலேயே போராடப்புறப்பட்ட சிவாராம்,விடுதலைப்புலிகளின் தலைவர் பிரபாகரனின் தலைமையே தமிழ்மக்களின் போராட்டத்துக்கு சரியானது என்ற கொள்கையுடன் தமிழ்த்தேசியப்போராட்டத்தை ஊடகத்துறை ஊடாக மககளுக்கு விளக்கினார்.ஈழப்போராட்டத்துக்கு இழைக்கப்படும் அநீதியை எழுத்துக்களால் எதிர்த்தார்.மக்களின் அரசியல் விழிப்புணர்வுக்கும் விடிவுக்கும் விடுதலைக்கும் அரும்பாடுபட்டார்.சர்வதேச அரங்கிலும் சாமர்த்தியமாக இச்செயற்பாட்டை சாமர்த்தியமாக மேற்கொண்டுவந்தார்.அவரது இப்பணியை-போராட்டத்தை கௌரவித்த அவருக்கு விடுதலைப்புலிகளால் இவ்வுயரிய விருது வழங்கப்பட்டுள்ளது.

புலிகளால் வழங்கப்படும் இந்த விருது குறித்து பல்வேறு விமர்சனங்களும் விளக்கமின்மைகளும் அவ்வப்போது ஆங்காங்கே சில வட்டஙகளில் காணப்படுகிறது.

தமிழ்மக்களின் வாழ்நிலை மேம்பாட்டுக்காக-உரிமை விடுதலைக்காக-விடுதலைப்போராட்டத்துக்காக அரும்பாடுபடும் தமிழருக்கு மாமனிதர் என்ற இந்த உயரிய விருதுத வழங்கப்படுகிறது.மாமனிதர் விருது பெறுபவர் புலிகள் உறுப்பினராகவோ அல்லது புலிகளின் ஆதரவாளராகவோ இருக்கவேண்டும் என்று புலிகள் நிபந்தனை விதிக்கவில்லை.கட்டுப்பாடுபோடவில்லை. உண்மையில் ஈழத்தமிழரின் விடிவுக்காக பாடுபடுபவர்களின் பெயரை தேர்ந்தெடுத்து புலிகளின் உயர்மட்டக்குழு தேசியத்தலைவர் பிரபாகரனுக்கு சிபார்சு செய்யும். பிரபாவின் தலைமையில் கூடும் அம்முக்கிய குழு தேர்வு செய்யப்பட்டவர் குறித்து பரிசீலித்து பின்னர் முடிவெடுத்து அவரை விருதுக்கு உரியவராக அறிவிக்கும்.இதேபோலவே நாட்டுப்பறறாளர் என்ற விருதும் வழங்கப்பட்டுவருகிறது.மறைந்த பத்திரிகையாளர் நடேசனுக்கு நாட்டுப்பற்றாளர் விருது வழங்கப்பட்டது.முன்னாள் ஈழநாடு ஆசிரியர் கோபு எனப்படும் கோபாலரட்ணம் போன்றோருக்கு தலைவர் பிரபாகரனின் கௌரவ விருது வழங்கப்பட்டது.

அவ்வாறு மாமனிதர் விருதுவழங்கப்பட்டவர்கள்


காசி ஆனந்தன்

மட்டக்களப்பை சொந்த இடமாகக்கொண்ட காசி ஆனந்தன் ஈழத்துக் எழுச்சி கவிஞராக தன்னை அடையாளப்படுத்திக்கொண்டவர்.இளைஞனாக இருந்த காலத்திலேயே சிங்கள ஆதிக்க வெறியர்களினதும் அரசினதும் அடக்குமுறைகள் மற்றும் ஆட்சிநடைமுறைகளுக்கு எதிராக போராட்டம் செய்தவர்.தனிச்சிங்களச்சட்டத்துக்கு எதிராக மட்டக்களப்பில் போராட்டம் செய்து சிறை சென்றவர்.வாகன இலக்கத்தகடுகளிலேயே சிங்கள எழுத்துக்கள் இருக்கக்கூடாது என்று அவற்றை அகற்றும் போராட்டத்திலும் பாடசாலை பெயர்பலகைகளில் சிங்கள மொழி இருக்கக்கூடாது என்றும் போராட்டம் செய்து பொலீஸாரால் கைதாகி சிறையில் சித்திரவதை அனுபவித்தவர்.

பின்னர் இந்தியா சென்று அங்கு பெரியாருடன் இணைந்து பிராமணிய எதிர்ப்பு இயக்கத்தில் செயற்பட்டு பின்னர் இலங்கை வந்து ஈழத்தமிழர்களின் எழுச்சிக்கு துணைநின்றார்.அப்போது இவரது செயற்பாடுகளால் வெறுப்படைந்த ஸ்ரீலஙகா பொலீஸார் இவரை கைது செய்தனர்.இவர் ஸ்ரீலங்காவிலுள்ள ஐந்து சிறைகளில் சுமார் ஐந்துவருடங்கள் சிறைவாசம் அனுபவித்தவர்.இந்திய இலங்கை ஒப்பந்தம் கைச்சாத்தான காலப்பகுதியில் பேச்சுக்களுக்காக புலிகள் இந்தியா சென்றபோது காசியும் இந்தியா சென்றார்.புலிகளின் அரசியல்விவகாரக்குழுவின் மத்ததிய குழு உறுப்பினராக தேர்ந்தெடுக்கப்பட்டு அக்காலப்பகுதியில் இந்தியாவில் ராஜீவ் அரசுடனான பேச்சுக்குழுவில் புலிகள் தரப்புபிரதிநிதிகளில் ஒருவராக காசி சென்றார்.

பின்னர் தமிழகத்திலேயே தங்கிவிட்ட காசி ஆனந்தன் இன்றும் ஈழத்தமிழருக்கு ஆதரவாக அங்கு குரல்கொடுத்தவண்ணமுள்ளார்.ஈழப்போராட்ட காலத்தின் இக்கட்டான காலப்பகுதிகளில் தோளோடு தோள் நின்ற இந்த எழுசச்சிக்கவிஞனுக்கு தேசியத்தலைவர் பிரபாகரன் மாமனிதர் விருது வழங்கினார்.

குமார் பொன்னம்பலம்

குமார் பொன்னம்பலம் அவர்கள் ஒரு பிரபல சட்டமேதையாக தன்வாழ்க்கையை நடத்தினாலும் ஈழத்தமிழர்களுக்கு ஆதரவவாக கொழும்பிலிருந்து அரசுடன் மோதியவர்.நாடாளுமன்ற பதவிகளுக்காக தமது கொள்கைகளை விற்று அரசியல்நடத்தம் தலைநகரின் அரசியல்பாரம்பரியத்துக்கு மத்தியில் ஒரு தனிமனிதனானக நின்றுபோராடியவர்.அவர் ஒரு போராளியாகவே அல்லது மக்களால் தேர்ந்தெடுக்கப்பட்டவராகவோ இல்லாதபோதும் தமிழ்மக்களின் பிரச்சினையை பேச தனக்கு தானே துணை என்ற துணிவுடன் சாதித்தவர்.இலங்கையில் மட்டுமல்ல ஐ.நா.சபையிலேயே ஈழத்தமிழருக்காக குரல் கொடுத்தவர்.இவரது கருத்துக்களை கருத்துக்களால் எதிர்கொள்ள இயலாதவர்கள் இவரை துப்பாக்கிக்கு இரையாக்கினர்.சிவராமைப்போலவே தனக்கு முடிவு இதுதான் என்று தெரிந்தும் சிங்கத்தின் குகைக்குள் இருந்துகொண்டு சிங்கத்துடன் சவாலிட்டு சாகும்வரை தமிழனுக்காக தமிழனின் உரிமைக்காக தமிழர்களின் போராட்ட நியாயப்பாடுகளுக்காக குரல் கொடுத்து மடிந்தவர்.

கணிதமேதை எலியேசர்

கணிதமேதை எலியேசர் அவர்கள் தமிழீழத் தேசியத் தலைவரின் வழிகாட்டல் மீதும் போராட்டத்தின் மீதும் அசையாத நம்பிக்கை கொண்டு அதற்காக தொடர்ந்து குரல்கொடுத்து வந்தார்.

1918 ம் ஆண்டில் தமிழீழத்தில் பிறந்த பேராசிரியர் கணிதவியலில் கலாநிதி பட்டமும் பெற்று கணித மேதையாக திகழ்ந்த நாட்களில் இவருக்குக் கிடைத்த சர்வதேச விருதுகள் பல.இவரது பெயரிலேயே 1948 வெளியிடப்பட்ட "எலியேசர் தேற்றம்" கணிதவியலில் இன்றும் பிரயோகிக்கப்படும் தேற்றமாகும்.ஆஸ்திரேலியாவிலிருந்துகொண்டு ஈழத்தமிழ்மக்களின் விடிவுக்காகவும் விடுதலைக்காகவும் குரல் கொடுத்து அரும்பாடுபட்டவர்.தமிழ்மக்களின் போராட்டத்தின் நியாயத்தை ஆஸ்திரேலிய அரசு மட்டத்தில் எடுத்துச்சென்று பேசியவர். இவருக்கு 1997 ஆம் ஆண்டு தமிழீழத் தேசியத்தலைவர் பிரபாகரன் அவர்களால் " மாமனிதர் " விருது வழங்கப்பட்டது முதல் முறையாக இவ் விருது தமிழீழத்துக்கு அப்பால் வாழும் ஒரு தமிழருக்கு வழங்கப்பட்டது இங்கு குறிப்பிடத்தக்கதாகும.

அரியநாயகம் சந்திரநேரு

வடக்கு கிழக்கில் மனித உரிமைகள் பாதுகாக்கப்படவேண்டும் என்பதற்காக அரும்பாடுபட்ட செயல்வீரர் அரியநாயகம் சந்திரநேரு.வடக்கு கிழக்கு மனித உரிமைகள் செயலக உறுப்பினரான இவர் ஜெனீவா மனித உரிமைகள் ஆணைக்குழு,சர்வதேச மன்னிப்புச்சபை உட்பட பல பன்னாட்டு மனிதஉரிமைகள் அமைப்புக்களுடன் தமிழ்மக்கள் மீது ஸ்ரீலங்கா அரசால் மேற்கொள்ளப்பட்டுவரும் மனித உரிமைமீறல்கள் நிறுத்தப்படவேண்டும்.ஸ்ரீலங்கா படைகளால் சிறைப்படுத்தப்பட்டுள்ள அப்பாவி தமிழ்மக்கள் விடுவிக்கப்படவேண்டும் என பேச்சுநடத்தினார்.இவர் நாடாளுமன்ற உறுப்பினராகவும் பதவிவகித்து அயராது சமூகசேவை ஆற்றியவர்.இவர் வன்னியிலுள்ள வடக்கு கிழக்கு மனிதஉரிமைகள் செயலகத்தின் கூட்டத்துக்கு சென்றுவிட்டு அம்பறைக்கு திரும்பிக்கொண்டிருக்கையில் புலிகளின் மட்டக்களப்பு அம்பாறை மாவட்ட அரசியல்துறைப்பொறுப்பாளர் கௌசல்யனுடன் வைத்து பொலநறுவ வெலிக்கந்தையில் இனந்தெரியாதவர்களால் சுட்டுக்கொல்லப்பட்டிருந்தார்.வாழநாளில் இவர்புரிந்த சேவைகளை கௌரவிக்கும் முகமாக இவருக்கு தேசியத்தலைவர் பிரபாகரன் மாமனிதர் விருதுவழங்கினார்.

கலைஞானி செல்வரட்ணம்

தேசியத்தவைர் பிரபாகரனால் மாமானிதர் வழங்கப்பட்ட இன்னுமொருவர் கலைஞானி செல்வரட்ணம்.இவர் காலைஞானி எல்லோராலும் அழைக்கப்பட்டுவந்தார்.ஈழத்தின் தொல்பொருட்சான்றுகளை சேகரித்த அவற்றை வருங்கால சந்ததிக்க வரலாறாக ஆதாரப்படுத்தும் பணி இன்றும் நினைவுகூரப்படுகிறது.எத்னையோ வரலாற்றுச்சின்னங்கள் தெர்லபொருட்கள் ஆதார அபூர்வங்கள் ஆகியவற்றை தேடி எடுத்து அவற்றை ஆவணப்படுத்தி ஈழத்தின் வரலாற்று இருப்பை ஆதாரபூர்வமாக நிரூபித்தவர்.தன் வாழநாளில் 55 வருடங்களாக தனியாளாக இப்பணியில் ஈடுபட்டுவந்தார்.யாழ்ப்பல்கலைக்கழக வரலாற்றுத்துறைப்பேராசிரியர்களும் இன்றும் இவரது பணியை பாராட்டி இவரைப்பற்றியே ஆய்வுகள் மேற்கொண்டுள்ளனர்.

குரும்பசிட்டியை பிறப்பிடமாகக்கொண்ட இவர் யாழ்ப்பாணம் திருநெல்வேலியை வதிவிடமாகக்கொண்டிருந்தார்.1995 இடப்பெயர்வின்போது இடம்பெயர்ந்து நாவற்குழிப்பகுதியில் தங்கியிருந்தார்.அக்காலப்பகுதியில் இராணுவம் குடாநாட்டின்மீது மேற்கொண்ட ரிவிரச இராணுவ நடடிவடிக்கையின்போது இவர் பாடுபட்ட சேகரித்த அரும்பொருட்கள் பலவும் இராணுவத்தால் அழிக்கப்பட்டுவிட்டன.இவருக்கு தேசியத்தலைவர் 1991 ஆம் ஆண்டு மாமனிதர் விருதுவழங்கினார்.

சிரித்திரன் சுந்தர்

மற்றவர்களை சிரிக்கச்செய்து அதில இன்னபம் காணும் ஒரு மனிதராக வலம்வந்த ஈழத்து படைப்பாளி சிரித்திரன் சுந்தர் எனப்படும் சிவஞானசுந்தரம்.செய்தொழில் தெய்வம் சிரிப்பே சீவியம் என்பதை தாரகமந்திரமாகக்கொண்டு நகைச்சுவை உணர்வை மக்களுக்கு கொண்டு செல்லும் அரிய படைப்பாளி சிரித்திரன் சுந்தர்.ஈழத்தில் இவரை அறியாதவர்கள் எவருஅம இல்லை என்று கூறுமளவுக்கு பிரபலமான கேலிச்சித்திர வரைஞர்.ஈழத்துக்கு அப்பாலும் இவரது புகழ்கொடிகட்டிப்பறந்தது.45 வருடங்களாக கேலிச்சித்திரத்துறையில் தனது ஆளுமையை வெளிப்படுத்திய சுந்தர் சுமார் 15000 கேலிச்சித்திரங்களை வரைந்துள்ளார்.1963 ஆம் ஆண்டு தொடங்கப்பட்ட சிரித்திரன் சஞ்சிகை இவரது மறைவுவரை சுமார் 32 வருடங்கள் வெளிவந்து ஈழத்து நூல் வரலாற்றிலும் இடம்பிடித்துக்கொண்டது.

இராசரட்ணம்

மாமனிதர் விருது பெற்ற இவரைப்பற்றி சுருக்கமாக எழுதுவதானால் தேசியத்தலைவரின் குரு எனலாம்.தேசியத்தலைவர் பிரபாகரனுக்கு இளம்பராயத்தில் அரசியல் சொல்லிக்கொடுத்த ஆசான் இவரே.ஈழத்தமிழினம் எவ்வாறு அடிமைப்படுகிறது உட்பட இன்னபிற விடயங்கள் மற்றும் கஸ்ரோவின் வரலாறு,நேருவின் வரலாறு போன்றவற்றை பிரபாகரனுக்கு ஊட்டியவர் இவரே.இவரை ஈழத்து நேதாஜி என்றும் அழைப்பதுண்டு.இவர் குறித்த சம்பவத்தை இதில் நினைவு கூருதல் சாலப்பபொருந்தும்.

இந்தியத்தலைவர்களுடனான பேச்சுக்கு தேசியத்தலைவர் பிரபாரன் இந்தியா சென்றிருந்த சமயம் இவரும் கூடச்சென்றிருந்தார்.அப்போது அங்கு அசோகா ஹோட்டலில் நடைபெற்ற விருந்து ஒன்றுக்கு இருவரும் அழைக்கப்ட்டிருந்தனர்.அங்கு விருந்துடன் சகலமதுபானங்களும் பரிமாறப்பட்டன.அப்போது தனக்குரிய மதுவை அருந்திவிட்டு பிரபாவின் மேசையிலிருந்த மதுவைத்தரும்படி பிரபாவிடம் கேட்டிருக்கிறார இராசரட்ணம்;.பிரபா தனது மேசையிலிருந்த மதுப்போத்தலைக்கொடுக்காமல் 'வெளியே வாருங்கள் நான் வாங்கித்தருகிறேன்" என்று கூறி,விருந்து நிறைவடைந்த பின்னர் தான் கூறியதுபோலவே இராசரட்ணத்துக்கு மது வாங்கிக்கொடுத்திருந்தார்.அடுத்த நாள் தமிழக பத்திரிகை ஒன்றில் 'பிரபாகரன் மது அருந்துவதில்லை' என்ற தலைப்பில் செய்திவெளியாகியிருந்தது.

நடந்தது என்னவெனில் விருந்து மண்டபத்தில் அன்று பிரபா இருந்த மேசையில் உடைக்கப்படாது கிடந்த மதுப்போத்தலை பார்த்துவிட்டு அந்த ஆதாரத்தின் அடிப்படையில் செய்தியாளர் ஒருவர் அதைச்செய்தியாக்கியிருந்தார்.இதில் நோக்கத்தக்கவிடயம் யாதெனில் இராசரட்ணம் கேட்டதற்கு இணங்க தனது குருதானே என்ற பரிவில் தனது மேசையிலிருந்த மதுப்போத்தலை அவருக்கு அருந்தக்கொடுத்திருந்தால் பிரபா செய்யாத தவறுக்கு அடுத்தநாள் செய்தி அர்த்தம்கற்பித்திருக்கும்.பிரபாவின் சமயோசிதஆற்றலுக்கு இது உதாரணம்காட்டும் நல்ல ஒரு சம்பவம் இது.

பிரபாவின் குருவான இராசரட்ணத்தின் ஒரு மூத்தபுதல்வியே ராஜீவ் காந்தி கொல்லப்பட்ட சம்பவத்தில் உயிரிழந்த தானு.இளைய மகள் அஞ்சனோ என்ற மாவீரர்.

மதுரை நடராசா(இவரும் மாமனிதர் விருது பெற்ற ஒருவர்) என்பவர் வரைந்த புலிக்கொடிக்கு இறுதிவடிவமைத்தவரும் இராசரட்ணம் அவர்களே ஆவர்.இன்று தமிழ்மக்களின் தேசியக்கொடியாக உலகெங்கும் பறக்கும் புலிக்கொடியை அமைத்தவர் இராசரட்ணம் அவர்களே.

மாமனிதர் குறித்த விவரங்கள் விளக்கங்களை தந்திருக்கும்.இந்த விருதுக்கு அரசியல்சாயம் எதுவும் இல்லை.விசேட அளவுகோல்களும் இல்லை.இந்தியாவில் வழங்கப்படும் பாரத ரத்னா, பத்மஸ்ரீ போன்ற அரசு விருதுகள்போல ஈழத்தில் விடுதலைப்புலிகளால் வழங்கப்படும் உயரிய விருது இதுவாகும்.

(இது விடயத்தில் மேலதிக விவரம் இருந்தால் ஆதாரத்துடன் அறியத்தந்தால் நன்று)

 
பாமினி ரிஸ்கி English தமிழம்

திருவள்ளுவர் எழுதி-3



 

0 Comments:

Post a Comment

<< Home

Rate this post at www.thamizmanam.com Current rating is: Click on the stars for voting pad.